М банк орон нутаг дахь анхны харилцагчийн төвөө Баянхонгор аймагт нээж, тус аймгийн иргэд болон бизнес эрхлэгчдэд банкны бүтээгдэхүүн, үйлчилгээг илүү ойроос авах боломжийг бүрдүүллээ. Шинэ төвөөр дамжуулан харилцагчид хадгаламж, зээл, карт, төлбөр тооцооны үйлчилгээг нэг дороос авахын зэрэгцээ жижиг, дунд бизнес эрхлэгчдэд зориулсан санхүүгийн шийдлүүдийг илүү хялбараар авах нөхцөл бүрдэж байна.

Нээлтийн үеэр М банкны гүйцэтгэх захирал Б.Тэмүүлэн “М банк үйл ажиллагаагаа эхлүүлээд дөрөв дэх жилдээ ажиллаж байгаа бөгөөд энэ хугацаанд уламжлалт банкны үйлчилгээг дахин загварчлан 480 мянга гаруй харилцагчдад санхүүгийн үйлчилгээ үзүүлдэг банк болон өргөжөөд байна. Энэхүү төв нь олон улсад түгээмэл хэрэглэгддэг Experience Center буюу банкны салбар хэмээх ойлголтыг халж, харилцагчийн төвийн жишигт нийцсэн бөгөөд харилцагчдад банкны үйлчилгээг нээлттэй, тав тухтай орчинд авах боломжийг бүрдүүлж байна. Бид дижитал банкны шийдлүүдийг тасралтгүй нэвтрүүлэхийн зэрэгцээ бүтээгдэхүүн, үйлчилгээний хүртээмжийг нэмэгдүүлэх чиглэлд анхааран ажиллаж байна” хэмээн онцоллоо.

М-ийн найзууд нь цаашид ч харилцагчдынхаа санхүүгийн эрүүл мэндийг дэмжихийн зэрэгцээ хүн бүрд нээлттэй, хүртээмжтэй бүтээгдэхүүн, үйлчилгээгээ тасралтгүй хөгжүүлж, банкны үйлчилгээг хурдан, хялбар байлгах чиглэлд ажилласаар байх болно.